Grass on the road

我時時行落中環,再行番屋企,如此上上落落,沿路見到好多路邊野草,我超欣賞佢地咁有生命力.

Niece 4 months la

食零食

最鍾意試新零食:Lay's薯片蕃茄清新口味(雖然最鍾意原味),竹蔗茅根海厎椰下一下火,至於上湯龍蝦味粟一燒,係超市妹妹熱情推介時,唔覺意「嘟」左,咁我無端端買埋粟一燒.

潛意識

以前讀心理,知道有 conscious, subconscious, unconscious.最近潛意識在不同領域表現,不由自主的反應和記得清清楚楚的夢.透過這一切,我在重新意識自己,在角力,在對話

Cocoa therapy

Cocoa contains monoamine oxidase inhibitors (MAO Inhibitors) which help alleviate my mood. That's why I have been getting fatter this week
Anyway, will back to jogging again if no rain

跟蹤

心情納悶,情緒低落,本來沒有打算看跟蹤,結果還是去看了.電影給我最大的感覺,是團隊精柛和緊守崗位的重要.遊乃海編而優則導,在新崗位中他還是合格.我頗喜歡任達華的新造型,有新意.如果賊方能更有腦,更勢均力敵,電影應該可以更有趣

愛情回水

「留住這一刻一分一秒」,是我看愛情回水想起的一句歌詞.這次是一次愉快的電影經驗,英式笑料和幽默,觀眾笑得很開懷.重視內在美和珍惜眼前人兩大主題下,締造了清新的浪漫小品.

謝謝小黑熱心的推薦:)

偶遇

在鑽石山地鐵站上車,車廂內巧遇前補習學生.他現在是大學生,剛參與在科大舉行的Mission camp,大會講員是盧龍光牧師.我從前也參加過Mission camp,地點也是科大,講員是李思敬博士.
雖然很久沒見,我們還是可以不談客套話,直入正題.短短的三兩個站,談的是到肉的問題.他有著年青人的雀躍和疑惑,雖然未必所有人明白他,包括我.那股堅執和沖勁卻深深感動我.我很高興見到他,並與他交談,那比跟人說很多門面寒喧話有意思.假如要我講假惺惺的客套話,我寧願選擇沈默.

西貢遊

睡多了一小時,,才出發到西貢看同事參加龍舟競渡,到達時剛好聽到同事的隊伍取得亞軍,兼看到他們領獎.由於出門前未趕及食早餐,於是在西貢找了間特色餐廳Sauce吃午飯.西貢果然是西貢,海鮮意大利飯的海鮮很鮮甜,長法飽加Olive Oil加vinegar也很好吃.我還到旁邊的Ali 0li麵包店買麵包及carrot cake.臨離開西貢,更巧遇Candy一家.
回程時坐巴士由西貢出鑽石山,車一路圍著山向上駛,沿途有連綿環抱的山巒,一片綠油油,在陽光的照射下,令人身心舒泰.

沒有父親的日子第n天

今年的父親節,有點多愁善感,可能聽了Eason的單車,也可能最近在不同場合都觸及一些往事.幾年了,雖然我相信他在天堂會很快樂,那種缺失的感覺,還是時有侵襲.父親給我的是自由和責任.我有最大的自由做決定,同時必須負上相應的責任.到現在我仍然會想,如果他在世的話,雜誌上推介的父親節禮物,那一樣會適合他,雖然我知道他從不介意我和妹妹送他甚麼禮物.因他每一次總是說「好」.

Beautiful bags

Long time no COOK

Lately too busy, no time to cook sth I really want to cook.
So tonite's dinner, I cooked 銀雪魚 with Teriyaki marinade & sauce.
Eggplant with preserved beancurd and mango pudding following Mrs.Cheung's recipes
I admit the eggplant did not look that good but it tasted good, because the preserved beancurd was from 'Liu Ma Kee' la.

BTW, it was really hard for me to take these photos. My camera has been malfunctioned. I can't preview, not even viewing from the monitor,also the 1G CF cannot be read, error ! Can't read!! Guess it's time to buy a new one.

Sunday Breakfast

All time favorite sour cream bagel
Earl Grey tea in a classic cup set.

Glass Art

Yannie, Connie & I played Glass Art this weekend. We were like kindergarten kids doing artworks, since we had tea time after artwork session.
See, Yannie's mum prepared for us beautiful fruit plate. Truly marvelous. Also, Yannie's house has old telephone, so cool!
For the glass art, I drew fish & flower, very childish things, hahaha. That is what I can draw, my limit already, sorry!

Pizza

This saturday I had to go to work. It was the second time after the implementation of 5 day work scheme. Anyway, I did manage to have fun too. I had dinner with lilian & his husband Mr Yeung. We originally planned to go to Munch, TST. But the table they had for us was near to the automatic door. And sat was pretty hot. So we changed place and tried Pizza Express.
It was my first time visit to this pizza house. Very strong flavour pizzas: peiking duck pizza & sicily pizza.
Interesting conversation whole night as Lilian remembered many things that I did not remember. I was flattered that she still remembered little things that i did long long time ago. Glad that I brought good memories to her and not bad memories, hahaha!
After dinner, we went to 'Tong Dynasty' the sweet soup shop, it has been expanded. The food quality and service were a bit going down. Hopefully with some time , they can cope with the expansion and improve the quality.

CAFE

I love cafe. The following link shows interesting cafes in HK

http://www.simplecafe.com.hk/modules/smartpartner/index.php?view_category_id=2

咭片

這天電話旁放了一張咭片
阿媽的攻勢在擴展
我阿妹收到電話
內容是X太個仔
我阿姨被騷擾
內容都是X太個仔
X太個仔我無意冒犯
但情況已經失去控制
請恕我要暫避一下

牙較戰 外傳

阿媽：我係一個'義人'．（開住雪櫃無理頭爆一句）
Ｍｅ：聖經話，世上連一個義人都沒有，除非你話異人，即日本人所指的外國人．
阿媽：我係外國人，你係我個女，都係外國人．
Ｍｅ：無所謂，我都唔介意做外國人．

Cova

dessrt buffet available in Festival Walk Cova.
Big picture showing dessert table, photo taken By Fung Ping

McDonald雙層魚柳飽

曾經好鍾意食豬柳漢堡,但而家只對魚柳飽有興趣,知道出左雙層魚柳飽都好想試,聽友人試過話好滯,更心郁郁想食.食左,又係幾滯喎!好彩叫左跟粟米,冇跟薯條.

戀戀北京

昨天與兩位來自內地的同事吃飯餞行,男的在香港完成博士課程後打算回老家,他覺得做研究很費神(雖然他是公認的優秀),他說回國後做回病理科醫生.女的也願意跟他回北京.他們的小女兒現已在北京,與外公外婆在一起.他們答應我如果我到北京,會帶我去吃羊肉串,因為我喜歡吃,只要有得吃,路邊吃可以,在新彊人開的小店吃更好.他們還告訴我在學校附近有一間小店,在那裡打邊爐很捧.當年他們還是學生,在談戀愛的時候,每次也是叫肥牛.豆腐加菜,結賬在RMB五十元之內.
很喜歡跟他們聊天,「談戀愛」三個字從女的口中用普通話說出來的時候,軟軟的,像棉花糖,殺是動聽.聽他們一路說,我的心已飛到北京的校園,幻想著年青的吵鬧和熱情.

後記:傾開發現佢地唔明「抵食」點解,我又諗唔到普通話點講,如果有人知,不妨話俾我知.
「抵食」=合算 acccording to普通話老師

勇敢

睇左朋友個ｂlｏｇ，有Ｄ感觸．愛情真係好難經營，點克服自我信心唔夠？點可以令彼此有安全感？有開始，就預告著完結．要不斷掙扎努力，其實好疲倦．很用心去愛也不一定開花結果，期望的錯落，外面的試探，其他人熱心的意見,到太累的時候開始計較，甚至放棄．即使很愛對方，失去時留下的傷痕會好深．
有D人話唔使睇愛情睇得咁複雜.但我之所以係我，就係唔夠實際但夠哂文藝，兼且最愛胡思亂想,所以發生係我身上D事,自然會複雜化．總之我覺得敢去愛好勇敢．我希望自已可以好勇敢,咁愛得有幾複雜都唔使怕.

勇敢就如嶭凱琪的新歌「下次下次」

牙骹戰下集

我阿媽其實係一個奇人，作為我寫ｂｌｏｇ內容之主角，佢都算受歡迎，不斷有人問我牙骹戰有冇下集，當然有啦！我阿媽已經將佢抑鬱情緒化做能量追擊我．作為佢個女，唯有拋個身出黎，犧牲一下自己．

幕一
阿媽：我今日見到郭太，郭太個女係大學生，識左個未讀過大學既男仔，佢想反對，我地勸佢唔好，費時第日個女嫁唔出賴左佢．
（大家，請留意我阿媽背後的潛台詞）
Ｍｅ：放心喎，我就萛嫁唔出，都唔係你責任．
阿媽：但係Ｘ太個仔至少讀過大學．俾張咭片佢，佢咪可以ｅｍａｉｌ你囉！（按：阿媽唔知咩叫ｅｍａｉｌ，只係我阿姨話佢知而家Ｄ人用ｅｍａｉｌ溝通，但佢套用時，竟又用得合宜，勁！）
Ｍｅ：Ｓｏ．．．
阿媽：郭太都贊成我想法，唔應該放個機會．
Ｍｅ：恭喜你搵到支持者．
阿媽：早前Ｂ太個仔我都冇介紹俾你，事關你阿姨見過，話唔ａｒｍ你．
Ｍｅ：真係麻煩哂！

幕二
阿媽：上次係超市見到ｘ太，我個心好唔安樂．
Ｍｅ：做咩唔安樂？
阿媽：我對人冇交待，見都唔見，好似睇唔起人地個仔．
Ｍｅ：咁你咪亂咁話原來我拍緊拖囉！
阿媽：（直視我雙眼）咁你係咪拍緊拖丫？
Ｍｅ：（俾佢嚇親，速逃）

幕三
阿媽：我想有個孫仔玩下
Ｍｅ：阿妹咪生左囉
阿媽：叫你生呀！如果再有孫，應該男叫文俊，女叫樂詩．（可惜佢仲未記得自己而家個一粒孫個名，次次聽佢亂叫）
Ｍｅ：名都改埋,咁你生番個咪得囉，我唔介意嫁

幕四
阿媽：你以前Ｄ男朋友幾好丫，而家去哂邊呀？
Ｍｅ：你剩係記得我兩個男朋友，一個結左婚，一個無聯絡．
阿媽：佢都幾好嫁，做咩冇聯絡．
Ｍｅ：你個時冇講嘛！

九龍灣Ｍｅｇａ Ｂｏｘ

在德福ＵＣＣ見到有兩個女仔食一個好大好靚的雪糕新地，非常吸引，下次一定要試下，星期日重頭戲係排隊坐ｓｈｕｔｔｌｅ到ｍｅｇａｂｏｘ消磨左成日，食左ＭＯＳ　ＢＵＲＧＥＲ，睇左Ｉｃｅ　Ｈｏｃｋｅｙ比賽，行左Ｓｐｏｔｌｉｇｈｔ及Ｂ＆Ｑ，Ｓｐｏｔｌｉｇｈｔ不單有布賣，有紙和貼紙賣，更有珠仔針線美術等手工野賣，唔賣睇下都好開心，但就行到我腳軟．ＵＡ,２Ｈｏｕｓｅs戲飛＄４５，優惠到６月尾

肢體生活

教會有人分享，鼓勵教友在教會要有肢體生活，沒有的話，很容易像早前的他靈命低落及離開信仰．這種說法有其真實性，人容易軟弱，弟兄姊妹可以關懷．提醒．但我有兩個疑問，屬靈支持是否只能在教會內才有．如果剩下一人時，就無法保守對上帝的心，那在約伯的情況下該怎麼辦？如果弟兄姊都不再相信，我們是否要跟隨放棄信仰？
在崇拜後，上帝沒有即時解答我這些疑團，但對我最清楚的提醒，就是我已忘記了為一個離開了上帝的朋友祈禱

勁無聊牙較戰

阿媽：你而家搞咁多興趣，係咪諗住唔揀結婚生仔丫？
Ｍｅ：（扮聽唔到，繼續攪個電子琴）
阿媽：如果Ｘ太個仔都聽歌睇書睇電影，咁你會唔會俾佢識你，你俾卡片佢，等佢聯絡你咪得囉！
Ｍｅ：（怪只怪上次話對方聽歌睇書睇電影兼旅遊有相同興趣才會考慮）
兩個回合都被阿媽技術性擊倒．

追捧品牌

剪完頭髮,去深水步維記食馳名加映多及豬潤麵.再去買飛,睇賴聲川導演的暗戀桃花源，想買埋一期一會,但幾近爆滿，只剩四百元飛，太貴．番屋企前專登去埋和興行涷肉公司買銀雪魚和脆皮腸,同舅父舅母．表弟及表弟婦分享．

剪髮

我好鍾意我個髮型師,佢唔多出聲,我可以乘機睇好多雜誌，其中一本介紹Ｈａｙｌｅｙ　Ｗｅｓｔｅｒｎａ.我都有佢隻碟，因為有次坐陳老板（我老細）架車，佢播緊Ｈａｙｌｅｙ隻ＣＤ，佢有天使聲音，第一次聽醒神，不過聽多左有Ｄ膩．

我寫故我在

友人Lilian及阿蕭話有溜覽本小姐個b1og,仲有一班有睇我個ｂ１ｏｇ／Ｐｌｕｓ　ｃｏｍｍｅｎｔ，而我又知包括有我阿妹．朱太．ｙａｎｎｉｅ．阿好．家明．鳳萍．ＳｏＳｈａｎ．順成．ａｎｔｈｏｎｙ，仲有Ｋｅｌｖｉｎ個女友．嘩好榮幸呀,多謝哂多謝哂．我咁勤力寫ｂｌｏｇ，要多謝Ｍａｘｉｎｅ佢投訴我個ｂｌｏｇ靜係寫飲飲食食，仲有小黑話我太少用中文寫，於是我坐車等車無聊時用ＰＤＡ狂寫，寫下寫下發現ｃｏｎｓｔａｎｔ　ｕｐｄａｔｅ都唔係咁難，有動力就ＯＫ．我自已橫掂都定時交稿給時壇及天使心，有時仲要交俾ＦＥＳ，個Ｄ文係習作，唔會放係呢度．係Ｂｌｏｇ，我希望自由創作，寫認真又得，寫無聊又得，咁就最似我自已．

加勒比海盜與Ｄａｌｉ

與Ste11a去睇加勒比海盜,未夠鐘,去鋰景灣食左個海鮮platter加pizza,好新鮮好好味,餐廳名唔記得,係街頭對住水警甚麼甚麼.講番加勒比,故事講得唔清楚,但特技勁,石頭蟹個段幾鬼超現實,話實Johnny Depp個造型都有d似Da1i，個段勁奇．

souvenir from a friend

Can you tell what it is?

文壇號外

在馬家輝博客網內見到作家黃碧雲的近照.http://makafai.blogspot.com/
董啟章出新書《時間繁史‧啞瓷之光》,令人期待
梁家麟新書冷暖之間輯時代論譠文章有Point有火.

師奶的友誼

我阿媽自結婚之後,斷絕了和朋友的往來.父親離世,她在重建她的人際網絡.其中—位朋友是同大廈的X太,X太在數個場合見過我,好想我認識佢個仔.我阿媽話此事關乎佢到X太的友誼,話我唔去見下人地,佢都冇面目見X太.如此這般,我日日同阿媽討論友誼問題,佢繼續佢既唔好放過機會論,攪到我成日番屋企都擔心有個X生坐係我屋企飲茶.我認為真朋友唔應該咁樣,我唔見佢個仔,就無朋友做,兒戲左d卦!我覺得阿媽乘機搵野同我拉鋸,我點到堅持自由戀愛,無緣份就算,我阿媽話咁介紹都叫緣份,唉!我而家當每日的討論係牙較戰,阿媽今晚再黎.

遇上關師傅

六四在天后站內遇上啟文,佢仲一路食住馬仔,一路話要請我食埋一份,卻之不恭,分了兩件,在明光社多事之秋,見師傅別來無恙,安心安心.

法式私房菜le rouge青州街

與一班飲食朋友到紅磡試超抵法國菜,百五蚊十二道菜,份量夠,味道不錯,甜品有驚喜,仲有餐飲.是日爆滿,宜先訂位.多謝礽福是期介紹.
帶子配蘋果沙律
西蘭花忌廉湯
法式焗翡翠螺
鮮蘆筍特級橄欖油炒野菌
崧子果仁香草醬意大利麵 good
檸檬雪芭
香煎三文魚配黑松露菌忌廉汁good
美國安格斯西冷牛扒
凱旋門大蝦
焦糖燉蛋good
意大利芝士餅
咖啡或茶

姨甥女的第99天

唐吉珂德海報-水彩習作

我很喜歡這張海報,但它已經很殘舊,我決定臨摹一下,好作紀念.

叮噹「隨意門」

周末音樂世界有小黑借給我的X Japan rock ballad (嚝野天空.河水流動之感,夜深人靜聽最正,如果有天台/戶外望往星空聽更好).自家倉貨小野麗莎CD(晴天中的海洋旋律)及鳳萍給我的雜錦金曲碟(魅力黃昏派對).不同的音樂帶我到不同的領域,音樂是我的叮噹「隨意門」.

專業演員

係HMV補買奇斯洛夫斯基「盲打誤撞」作珍藏,兼買番姨媽的後現代生活,看看中年女性演員不靠外貌所散發的戲味.誠如陶傑在壹周刊第899期專欄所言,每個年紀有每個年紀的味道,昨天陪阿媽睇溏心風暴大結局,我指住細契的眼肚同我阿媽講,這個眼肚不是用白花油造成,那Puffy程度是演員預先準備細節的証明.關菊英很用心演譯細契,那眼肚有戲,透露著疲倦.失落和軟弱,一把年紀,渴望愛,感受過愛,然後愛到傷害,愛到失去,為漂渺的安全感(金錢和甜言密語),弄到被騙財騙色.在盛怒和失望邊緣找回理智,終究清楚自己最終好好生活下去的理由.
電影停不了...睇埋三峽好人hahaha!

非偶然

聽facia1姐姐建議,到中環蛇竇食什批,加杯奶茶,再不畏高卡,叫了菠蘿油,一試之下,果然如facial姐姐所言,好重菠蘿味.想外賣幾個什批俾阿媽,點知阿姐聽左雞批,無所謂,雞批就雞批啦!食飽轉戰H&M買衫俾同事個孫,朋友個女及姨甥女.經過自動電梯,向老伯伯買了幾件砵仔糕,不過阿婆今日無陪佢開檔.到屋企樓下,買左份信報(好少買),打開一睇,見到熟識臉孔,原來鄭政恆Matthew得獎,做為新鴻基與三聯舉辦比賽中的新一代作家,以詩和相表達香港生活,恭喜恭喜詩人Matthew!
後記:阿妹提我,爸爸在生時時常到蛇竇買雞批俾阿媽食,係喎!講起又係喎.可能阿媽注定今日要食雞批.

「背鴨子的男孩」Taking father home

星期四晚去看了中國導演應亮的電影「背鴨子的男孩」,非常好看,攝影取景極富心思,配樂悅耳且有效地推動情節,在慘酷無助的現實中,保有純真和幽默感.最令我驚奇是那兩隻白皚皚的小鴨,非常可愛,又懂交戲.電影語言豐富毫無冷場,留下來的光影印象深刻,環環相扣,沒多餘情節,不多不少,在狂躁中帶點溫厚. http://www.indpanda.com/LittleStoriesLeaflet.pdf

This is from Suzanne