非偶然

聽facia1姐姐建議,到中環蛇竇食什批,加杯奶茶,再不畏高卡,叫了菠蘿油,一試之下,果然如facial姐姐所言,好重菠蘿味.想外賣幾個什批俾阿媽,點知阿姐聽左雞批,無所謂,雞批就雞批啦!食飽轉戰H&M買衫俾同事個孫,朋友個女及姨甥女.經過自動電梯,向老伯伯買了幾件砵仔糕,不過阿婆今日無陪佢開檔.到屋企樓下,買左份信報(好少買),打開一睇,見到熟識臉孔,原來鄭政恆Matthew得獎,做為新鴻基與三聯舉辦比賽中的新一代作家,以詩和相表達香港生活,恭喜恭喜詩人Matthew!
後記:阿妹提我,爸爸在生時時常到蛇竇買雞批俾阿媽食,係喎!講起又係喎.可能阿媽注定今日要食雞批.