Elements@kowloon station

復刻版

HMV$1OO三隻環球重新推出經典
抵聽,正版,包埋有歌詞
看著封套,頓感時光倒流

一個展覽:緬甸人 逃亡

食物中毒疑雲

中秋節親友相聚做節,幫襯正街發生食物中毒那間燒味店,好彩無中招.好險.

老好人

餃子園的菜飯不是很可口,但我在那裡見到一個老好人.坐在我旁邊的一個女子食完一碗餃子,打開銀包,「丫」了一聲,走到櫃位,向老板表示忘記帶錢,轉頭拿錢回來,老板用普通話回答說沒問題,還說永遠不拿錢回來都可以.你可以說他傻,但傻得來,很有人情味.

相約追月夜

表妹送我女人本色VCD,開展我另一場電影狂熱.放假.掃街食左兩串魚旦,同鳳萍睇C十偵探,片名有創意,電影好像以前流行的偵探系列片種,我看大有可能「續集有來」.追月夜,睇完戲,抬頭一望,月亮高掛.無需刻意,卻與月相遇.

星期日的歌美咖啡餐屋

當楊桃燈籠遇著日式漢堡包

係鵝頸橋底買完楊桃燈籠,再去皇室堡,點知面目全非,D舖吉哂.見Freshness Burger開左,當然要試試.南瓜麵包味我鍾意,蔬菜好新鮮,宣傳話10O%無添加無激素澳洲牛肉,好健康咁,整體和風漢堡牛肉味不及美式漢堡;飲左低肉桂奶茶,幾得意喎!

點點隔世情

很有誠意的演出,劇場門外有豐富資料展版,門口有'星期天的下午'大型仿制畫(場刊說由鄭經翰贊助的).舞台上是一個畫框,未開場時,直播著星期日下午在門口等入場的人群.
廣東話歌劇帶出顏色如音符,藝術如科學,追求和諧.張力及構圖.用點點聯繫隔世情,在不同時代顯示藝術創作的困難,表達方法有水準.有新鮮感.然而聽Andrew Lloyd Webber,外語完全不成問題,可廣東話歌劇嘛!有時反而聽不清楚歌詞...

愈戰愈強

社會發達,人的危機意識愈見薄弱.一切來得看似輕易,中間過程一無所知,我們不願意花時間了解事物的前因後果,不思考,不沈澱或不傳遞經驗,壓根兒就沒法意識危機.
從大家庭轉型小家庭,再轉型單身家庭,誰還有能力想像後代的意羲?血脈相連還剩下甚麼意思?我們已漸漸忘記了付出.培養和互相聯繄的重要.
同時,香港人亦慣了各家自掃門雪,誰可改變這文化?教會群體嗎?派奶粉.大學生幫人義務補習,今天不再可行嗎?傳福音之餘,有沒有幫助年青父母教育子女?
我們處於—個人人以為自已的需要最重要的社會,卻不發現在幫助真正有需要的人當中,人可以找到勇氣去抵抗無力感.當人不計較得失,不向惡勢力低頭,才可以愈戰愈強.

桃味

同事收到hamper,我分左隻桃.本來冇咩特別.食完後,竟然發現有陣香甜味留係手上,有D似牛油味,又有D似桃哈多.唔通唔係普通桃?

拾趣

做完展覽,本來應該休息下,但我選擇去話劇工作坊,唔係完全冇猶疑,但我真係好懷念玩話劇ge日子.N年之後,再玩話劇,同大學生一齊學,要做d心理調節.放鬆發聲集中力綀習,駕輕就熟.玩即興,幾乎忘我.離開時一路行落火車站,一路與同學談方法演技,有趣.回家路上,撞到以前大學某舍堂舍監Max,十年如一日,冇變.

工作中過生曰

今年生日係工作中渡過,係會展做創新科技展.會展係我熟識ge場地,以前做書展ge經驗大派用場,通道程序都同一樣.為應付悶場,我買定好多零食.
做展覽好玩,因為接觸好多人,遇到好多奇人奇事.生日個日收到親朋colleague短訊/emails,又有班後生同學陪伴,對面更有Renfrew Group 1ive演奏,曰日都fly me to the moon同The Gir1 from Ipanema,好正嫁!星期日咁arm見到做VTC ge Maxine.展覽星期二完,下個大Function十一月,中間真係要搵機會抖下.

貓仔宅急便

我是一隻普通的貓
除了做貓的工作
我兼做宅急便
因為多在晚上行動
我身手敏捷
又愛炒小路
很少人發現我這份兼職
那天我接到order
要代人送一枝花
咬在口裡
哎唷,有刺!
因為專業,我保住了花
卻暴露了身份
口卡嚓,被逮捕了.
看,有圖為証.

巧合

季初在灣仔買的一件衫,掉了一根鈕,我把它擱在一旁.季尾經過MegaBox Spot1ight買了同樣粉紅色的鈕作替代.回來一看,竟然無心插柳下買到一模一樣的鈕,巧合得出奇.

A Cat in my Office

A gift from Not Zero and Connie
You two are really talented
Amazing Handicraft
Very French Very English Very Beautiful
Cannot help showing it to people I met

不是歌唱比賽的紅白

銅鑼灣世貿對面御品軒北海道紅荳燉水牛奶$25,個人覺得好味過以前華麗園經典紅荳沙溝荳腐花(人稱紅白).聽侍應口氣,似乎御品軒同板前壽司同一老板,專執D係隔離等到傻ge客.不過唔包括我,因為今次我只係買外賣甜品.

能上網也是恩典

太習慣上網,當屋企上網失靈,簡直覺得嚴重不便.雖然上班已是24小時On 1ine,回
家後仍有心癮,美其名為公事Check mai1,實則網上有太多新奇有趣ge事,太吸引!
但今日(按:星期一)為公事急務要用電郵,modem壞未整(PCCW話modem no good,唔關訊息傳送事),冇時間俾人黎修理,又唔想夜晚番公司,原本想去鄰近親朋借用電腦,點知舅父去左深圳,表弟睇緊古巨基演唱會.本住鐵柱磨成針精神,我不停嘗試connect,modem no good唔等如冇chance,我仲望住modem向上帝祈禱,點知
係我行開個陣,CONNECT到,上到網,係恩典.我一路覆緊公事電郵,都好驚佢突然disconnect.做完正經事,我繼續surf,簡直唔捨得走,深深感到能夠上網,也是恩典.

上帝.感謝你的恩典
也請你原諒我的膚淺
阿們

愈打愈想打

素珊終於見識到我即興女王ge厲害,上星期提起打壁球,我二話不說,立即就bk左場,欏埋阿妹同妹夫剩低係我屋企ge拍,重拾打波玩意.最娘係太耐冇玩,以為個波會漏氣,唔多曉彈,仲叫電腦同事Eric幫我檢查.hahaha!打左半粒鐘,ok喎!愈打愈想打,估唔到都pick up得番,放工後打波,good 1a.

黑膠因妳復活

睇左粉紅色的一生(對不起.譯者邁克,我覺得La rose en vie譯作瑰麗人生會更動人更貼切),音樂enchant我,戲以-曲Je ne regette de rien(1 have nth to regret/我沒有後悔)作完結.觀眾聽到如痴如醉,一時間沒有人離開座位,在那一刻,好像看到這位歌者(藝術家)在台上向觀眾告別.我比較幸運,有Edith Piaf LP,在家也可以繼續神遊幾十年前的巴黎.

後話:戲本身14O分鐘,音樂動人,演員演得好,化老裝神乎其技,唯一缺點:情節太多,交待不清楚,令觀眾不知誰是張三李四.

法式下午茶

中環Antique搬左舖,飲tea位大左,茶杯茶碟來自Germany Vi1leroy & Boch,tea set$48-7O,有法國人幫襯,耳邊傳來動聽法語.

兒甥女@半歲

陪我寫稿的Vergnano

搵地方寫稿,我鍾意揀咖啡室,
1882cafe Vergnano的Marocchino Specia1e陪我寫稿

給自己的"兒童餐"

以前三越有間曰本餐廳,我細個非常'恨'去.門口櫥窗擺放兒童餐道具,盛食物都是有趣的瓷器,火車頭盛著薯條.漢堡.意粉,剎是吸引!
雖然不是王菲,沒有"給自己的情書",但剛過的周末,為自己做了個兒童餐,火車頭欠奉,幸有小龜捱義氣頂替.麻煩哂!

高回報行動

幾年前(比較情緒低落的一段時候),我開始做一件事,就是向街上遇見的小孩定睛微笑(不需說話),期望找點人間安慰.同時希望他們感受微笑的能力,他們將要行的路,不一定輕易,際遇非人能控制,但我們可以保守我們的心,使生命續有微笑.結果發現這是非常高回報的行動,他們的回望及微笑鼓勵了我,他們有時甚至願意把手上的物件給我.這全都是non verbal的.
當然當中也有不理會我的小孩,但我決心繼續我這微笑/微小行動.記得林子祥的歌詞嗎?笑一笑,世界更美妙!

"竊聽者"唱出好人之歌

自xh提及這套戲,我就好想睇.星期六一起身就煲VCD,開早場.
好睇喎,想起George 0rwe1l一九几四.Mi1an Kundera The unbearab1e of being.不過冇咁沈重,開始時的沈重懸疑音符慢慢散開,剩下是"令人不能革命"的貝多分好人樂章.
戲後反思:
一個人的生命如何影響社會?
社會如何影響一個人的生命?
一個人如何影響另一個人的生命?
誰是真正作家?
有咩信念令人願意做好人?

當你真的觸及別人的生命,很難再做不人道的事,例如將人'物化'.如果我們想世界更美好,我們需要去尊重及欣賞身邊的人,包括只在升降機內相處幾秒的人.

羅富記

同一個區-中環有三間羅富記粥麵專家,走入一間食碗粥,耳邊傳來ge歌係
1237 7i75 23

照片靈感來自小克的偽科學鑑証

AFl向阿爾柏仙努致敬

A1 Pacino老左仲型,原來佢最初做話劇,後轉做電影.好多有份量明星演員都很欣賞佢ge才華同認真.

大家可

"大家可"(大家好)係我學到ge一句上海話,工作關係,有上海團參觀,因為要對成班人講普通話,我好緊張.上帝對我好好,是日中心駐場義工竟然係上海人,有人'傍'住,個心都定D.等候過程中,與義工傾偈,傾起兩地文化分別.佢話上海女人好犀利,唔靠男人.佢老公以前肯做家務,黎左香港,都做少左.佢仲話上海人好多野講,好多野問,七咀八舌.37歲同老公移民香港,最初佢都唔慣香港生活,D人笑佢廣東話音唔正,而且香港人冇上海人咁熱情,我係佢見過算熱情ge香港人.hahaha我原來係熱情香港人代表!榮幸.

Simply Life-新概念cafe

麵包蛋糕都很吸引,跟order就會有麵包,牛油切成一粒粒,好似糖粒.精緻茶具.聞情咖啡室設計.悅耳但不吵耳的音樂,令人不自覺輕鬆下來,減慢節拍.沙律.糙米飯和驢魚都很對板,鄰桌男士悠然吃黑森林吸引了我的眼光,simply bakery給人的是實在.基本和偷閒的滿足.

似檸賓的涼茶

去恭和堂,D人多食龜苓膏,我麻麻地鍾意,但佢新出品檸檬紫貝天葵,好似涷檸賓.

金鳳英文台

Sunday同阿ying幫襯灣仔金鳳茶餐廳,老板娘轉左channel,埋單時,用英文講l love you,我顧住摷錢,難得阿ying回應下佢.

Carrie Chau時代廣場展覽

得麗新集團支持,Carrie展覽人頭湧湧,火速影得幾張一見鍾情的展品.回家後,更把慈善展覽海報貼在房門上,阿媽竟然話好得人驚,怕夜晚起身去廁所見到會嚇親.OK,貼係門後囉,最多嚇親我自己.

中國小提琴之鄉-溪橋

看港電台節目介紹中國小提琴之鄉-溪橋,全球四成小提琴由小鎮出產,以前是農業為主.工人現做小提琴,收入一干多元.不只工作,員工喜歡小提琴,老板請老師教他們,有員工更抽時間日日練習.難得工作.藝術.娛樂全結合.

老港正傳睇後感

人面對急速轉變,堅持與不堅持,順流逆流,只要行下去,不倒,就是有起飛的機會.
有D覺得套戲想做香港版星光伴我心.

斬大舊叉燒

灣仔再興的存在,我一直知道,直至在Openrice發現好評如潮,立定決心一試.
三十蚊叉燒唔該!
要唔要乳鴿呀?
唔要la唔該.
嘩!十蚊三隻雞翼真係好好食
咁好丫,十蚊啦!
又失陷,買左鬼死咁多野食.再食.實肥到唔見得人!今曰公司有好味台灣太陽城太陽餅,係我食過真好食,有豬油,都食左兩個.叉燒香甜有肉味,好似自己燒咁,多食就太膩;鹵水雞翼大件又嫩滑,冇雪味.

楊記撈面(灣仔街市側)

時裝有副線,食店亦然.楊記與沾仔記同系,但主打撈面.面身爽凈,大地魚湯濃又甜,大地魚粉點綴,誰也沒有搶誰的風頭.真正跑出的卻是令人意外的自家制豉油和辣椒油,另有一番韻味.簡單食材造出豐富口感,我好想食多碗呀!