喜歡即興 享受瘋狂

友人提到為「即興」作文,我覺得自己都算係即興ge人,合哂資格.
當我一知道Swatch有錶出,就好想買.放工去新城市睇下有冇,點知只有時代獨賣,搭地鐵轉幾次線都去,估唔到限量版已售清.咁難得去到,點都買隻玩下,話哂我都勉強算Swatch fans,大學時有幾隻,到宜家仍然支持此牌子膠錶.買左錶,本打算去美味廚食上海菜飯,點知經過麻布茶房,又想食佢地D雪糕.食完雪糕,心掛掛樂文.當然,咁又唔覺意咁放低左買書錢.興之所至,隨心隨意,我自封為即興女王.(想真D我點止係即興女王,仲係雜誌皇后,電視精,電影迷,書痴,snapshot狂徒,...)總之即興得黎,有D Crazy.最近有次寫文,睇番,都有d覺得自己精神分裂.
不過請大家放心,本人之即興瘋狂非常個人性;在群體中,我會繼續保持處女座人士循規蹈矩ge特性.我的生活方向仍然係做個守時.交足功課的「好學生」!