觀禮

星期六參與同事V的婚禮,我首次出席由律師主持的婚姻宣誓儀式,地點:深灣遊艇會.套用新郎講法,這是型仔美女的結合.更有趣是一對花仔花女.他們出場方式是用許文強式打開門,一開門,頓成所有人焦點.花仔神態自若笑笑口,花女驚到想哭,嘩一聲,衝到第一行媽媽懷中.全場忍不住笑起來.
由於觀禮與晚宴之間有空檔,同事W和我去了吃香港仔山窿謝記魚旦,剛趕及未完全收鋪,魚旦美味,魚片沒有平時那麼脆,謝謝同事W請客.晚宴地點華麗,全部檯坐滿人,新郎新娘朋友爭相祝賀,很好氣氛.
V&K祝你們彼此相愛.生活快樂!

*婚宴上見到趙雅芝,仲好靚呀!可惜佢冇見到下晝許文強式打開門啦!夜晚司儀都係咁入場,但冇花仔花女個種效果.