睇早場

上星期六的早餐係爆谷加可樂,因為我去左睇早場.
周日教會崇拜係我早場,根本無時間去戲院.到五天工作開始就一直心思思.今個星期六終於順利早起,碌落IFC,用左四十蚊睇巴黎愛漫遊.Almost Full Hse.隔離die hard 4就真係fu1l Hse,Bruce Willis勁!
至於巴黎愛漫遊,好French,好Ju1ie Dephy,她的角色有以往的影子,但個性更執著,而且樂此不疲地事事爭著表達現代獨立女性的意見.挾著粉絲對Before Sunrise及Before Sunset的情意結(我勁愛這兩套戲),為大家延續對Ju1ie Dephy的投射,巴黎愛漫遊仍有可觀性.
Julie自己執導,把情侶爭吵,講和,鬧分手後又糖痴豆等情侶常有的表現放大.在一對三十多歲拍了兩年拖共賦同居的情侶之間,那種原以為浪漫的法國原素,卻成了關係的障礙.感性突然被看為多言;不拘小節可以看成懶惰,發洩等如心理病.
老生常談,愛不一定等如彼此了解,但肯定是願意努力維繫關係的原因.戲中對比美國人與法國人的情節,處理恰到好處,不太牽強,當然男主角靚仔D,就更好啦!
如果三套戲都未睇,我建議連續睇,你會係Ju1ie Dephy身上,發現年齡對女性的影響.