New Food court at SEIYU

我喜歡的峰壽司開在西田百貨內,兼營外賣,多謝朱太告訴我這個好消息!

表弟養的黃金螺

非比尋常的大.表弟說我拍下了它最美麗的一剎.

Wu Kai Sai

I heard an estate agent saying that the space will be developed into numerous high rise bulidings. It is really a pity not to conserve it.

一個杯墊的價值

我給林同學看新買來的玻璃杯墊,她小心翼翼,怕太貴重,打破了,我會生氣.我反轉背面給她看價錢,十四元四個,哈哈!查實身外物,無須太緊張.人當然比物重要嘛.

回魂咖啡

星期日一早起身,首次登場event幫手影snap shot,影人唔係我強項,試試無所謂,我估多訓練,會OK.做左一朝,好疲倦,要去飲杯回魂咖啡,地點又一城Agnes B,出乎意料咁好,禮頓道個間服務一般,又一城個間超好,食物精緻新鮮,服務細心,杯咖啡令我成個醒番,要多幫襯,或者去食番個tea.

腦前行十公里上山落山

今次行山當熱身,好享受落山時跑呀跑ge感覺.這個活動有蘭桂芳LUX贊助,日光日白係度食野好得意,炸魚薯條魚有魚味,粉唔太多,薯條夠脆.

漫遊海港城

草間彌生展館工作人員十分鐘前已關門,留意!至於Food court拉麵館服務員非常熱誠,不斷推介我各種人氣拉麵.

香港另一種夜景

夏麵館搵食

表妹加國回來,探兒甥女前,齊齊到圓方搵食.夏麵館夠經濟,但食物質素一般,雪菜黃魚拉麵尚算可口.

Portrait of apples

Phantom of the opera London首演幕後花絮TV program

當年歌聲魅影道具船極易失控,飾演魅影的男角要自己拉船回原位,搞到冇氣唱Music of the night .hahaha攪笑!

大閘蟹

今年首次食大閘蟹

WOODEN TABLE

去完北宣崇拜,同Nicole食晏,這裡咖啡好喝,Nico1e一早想介紹我食呢度ge Tea Buffet. Afterwards, visited Connie and her baby Issac

Joel Robouchon...oh very expensive

阿姨及姨丈請食Joel Robouchon,野鴨出色,蝦就...

CASH

王貽興唔好玩唱歌啦,真係唔係人人有天份架!

Elizabeth Town

睇睇下,發現係飛機睇過一部份,而家全套完整睇完.

H0T DOG FACTORY

大學附近新開熱狗店,麵包過關,Ok多Sausage選擇,生意好像不錯.

重陽登高

重陽節俾阿姨及姨丈捉去行山頂,行完飲埋茶,再掃墓.QM探病,晚餐Ifc食斗記,大會堂同A1ice睇Jazz up Eriko Ishihara 表演,不過唔記得帶CD俾佢簽名.

出乎意外的兩件事
1.QM有星巴克
2.外婆有老人癡呆,在QM.探左佢一陣,打算走,同佢講我去玩,走先.佢竟然點頭回應,佢明我講咩,我好開心呀.

Home alone

十月十八日
搬回家幾年後,首次home a1one,感覺怪怪.

帶著書流浪

晚上有家歸不得
我會帶著書流浪

My church

沈迷咖啡室

在中環威寧頓街SergoFredo(Italian famous brand)看張愛玲的色.戒.Expresso很好,有塊朱古力跟咖啡,那塊朱古力上還有花紋.芒果芝士蛋糕很美味,另外一塊蛋糕叫拿破倫,是免費的,他們說給我的一塊芝士蛋禚太細小,要給我補償. Price cheaper than MK cafe, what a bargain!

Portrait of an Eggplant

牛肉麵

我個人覺得毓民牛肉麵好食過大婆牛肉麵
相為毓民牛肉麵

家居食玩買

同阿Ying行完中環有特色商鋪,上左我屋企玩pizza機,整墨西哥薄餅,配日式盒裝咖
喱汁,食埋藏姑娘水餃.經阿Ying建議,把衣夾繩改掛在雪櫃,引發我夾上食譜.並將幾米小擺設重見天曰,悠然感覺與新買 mini hifi甚為相襯.忙完一輪,家居佈置重新排陣,立時煥然一新.

p.s. 衣夾繩友人在台灣買給我的手信
幾米小擺設,香港書展贈品

MK TOUR CAFE

真係無煙味樓上cafe
高氏大廈有多間不同風格咖啡室
門口有人爭著宣傳,好有趣.

有型老細升職宴客東來順

萬壽果花膠蟹湯
D湯渣蟹鉗又大又鮮甜
得獎菜鏡湖蟹影,小蟹其實係薑茶,有創意,我鍾意.
仲試埋馳名流沙黃金:擂沙湯圓.玫瑰糕之外第三種甜品

十三蚊的分別

0K便利店三蚊熱菠蘿包係我放工後等車至愛(有優惠券再減一兩蚊,就超值)當然偶然都會豪下食個十四蚊靚靚Simply 1ife pastry,扮扮高貴.

Have you seen Mona Lisa?

何先生定何小姐

何先生?唔係,何女士?何來一個單身母親,竟敢與兩太逐鹿立會.—個行行下去左恤髮,一個唔知何來係咩水.唔補選由自可,一出黎露哂底,第三個話代表社會現實,民心民情掌握和了解都咁薄弱,「現實」確教人汗顏,小市民如我只望在殘局中偷生,不至玩大左變endgame.如果民主.自由前設係人是理性,面對如此亂章,恕我好難保持理性.

續:詮釋與再詮釋
恤髮事件
不妨看為馬照跑舞照跳生活方式不變,髮當然要恤,貨真價實享受自由.

與高官合照
亦可以看為鼓勵市民行使發言權,張三李四上書高官,一視同仁,獲得重視,打開官民無障礙溝通之門,立為民主之典範.

可幸世上有詮釋理論,及時指點小民一條出路.亦多謝阿太粉墨登場親身演譯.

新片速遞

美味不設防內容跟我以前看過的Germany片Mostly martha勁似,好似叫美味關係,粉紅色VCD盒.Em.....

至於另一套上緊ge戲烏冬,我上年去四國,坐飛機睇左,好配合當時心情.個導演好似係跳躍大搜查線導演,我有vcd,當年超賣座,有興趣睇,可聯絡我.

Brunch@brunch club

新玩意

睇U magazine介紹,買左pizza maker.無難度做左平生第一個薄餅,coo1:)朋友上我屋企,以後有熱pizza食,雖然賣相仍待改進,我會俾心機架!
查實仲試埋整荳腐花,不過撞幾都撞唔出荳腐花.

圓方之內

星期六我襯左幾個墟,中午想去大牌檔食
茄牛通或者去九記食牛腩麵,點知...多人到,兩邊都長龍,結果時間關係,無食1unch.
晚黑去搵阿妹食飯,搭地鐵去九龍站,迫到好似繁忙時間搭車,個電話又Short埋,所以好鬼火.阿妹訂左8.3ONahm,但冇fitBB坐ge位,好彩隨便係Sa1a Thai要定飛,個半小時後有位(8.3O),個度好坐又唔算貴.圓方仲有D餐廳係地面,阿妹同我都覺得有D似澳洲Sydney/Me1bourne格局,晚上有氣氛.

片頭設計師Garson

(港台節目"志在設計"海外華人設計師系列)
Desperate Housewives,Mercury Rising,Twister,戰狼3O0(2006),絕望真相,片頭出自香港人Garson手筆,impressive.他是排字高手.

烏龍登場

我個樣好似好有計劃,查實呃左大家.本人今週榮升烏龍女王.年初教會編排本人首次祟拜裡讀經,我總認為年尾才輪到我,光陰似箭,日月如梭,時間快到令人未曾察覺流逝.十月不已是很尾嗎?
星期日一如以往去崇拜,行緊上樓梯,牧師及宣教師叫我個名.做咩咁多人叫我?牧師笑笑口問:你唔記得左今曰讀經呀?我呆左,我讀經?今曰?未梳好頭,又冇著番好D.這時師母殺出,拉著我,取黑袍,打開要讀個—章,叫我睇下,仲框埋,然後帶我從後門潛入講壇上讀經員坐位,歷時很短,還趕得及唱第一首歌最後一節.感謝神,那段經文我很熟識,又冇深字,而且我感到很平安.不過很抱歉我的大意嚇了各人一跳.事實上早D知,我會執正D.早D到,尊重麻!讀經是很認真的事奉.偏偏...我估可能神要我地隨時預備被祂使用,我的第一次出場完全不隆重(牛仔褲.波鞋.心口有狗仔樣ge mini Tee及一頭亂髮),我只有把心預備好,集中地讀,享受神的同在.上帝其實很奇妙,有時星期曰我要番工,有時心血來潮去左第二間教會崇拜,更有時遲到.但結果唔早唔遲俾宣教師眼明發現我,都係個句,感謝神.你話啦,上到台,先發現我係下面,我個名仲係程序到,真係唔知點算好.hahaha!

香港韻味

跟隨蔡生壹仔中的介紹,去上環香港餐室,推介的海南雞飯已售完,改食炒蛋及牛肉公仔麵.炒蛋係滑,但只要加水或加奶,都有相似效果.公仔麵有幾條好硬.咖啡跟連鎖咖啡店本質上不同,皇室泰國咖啡重東南亞人喜歡的甜味,全間餐室我最鍾情是位於街角的門口及門,有韻味.用手一推,一下子以為自己做了懷舊電影主角.

Map

Yesterday xh mentioned maryland. I know not where it is. Today kelvin left me a map on my desk.(p.s. he bought it in DOULOS on Wed) I know not why. But now I know where Maryland is. See life works in its way.

直覺

我係一個非常憑直覺ge人,琴日同人係旺角食飯,地點係富記.我完全唔知係邊,直覺係出銀行中心地鐵口轉右再轉左,點知咁都撞得中.去到,一見到D餐具,就想笑.我都買左同款餐具.我地試左必食菜式法式片皮雞,食落好似片皮鴨,好特別.食完,仲有雪耳木瓜糖水送.呢間食店好多明星去食架,lift口貼滿相.

姨甥女新POSE

Fusion

舅母教落魚湯浸日本絹荳腐,我稍作更改,用了Bretagne魚湯.

Hip Sushi

朱太.阿Ying與我初試新城市廣場的壽司店

Daddyos

行過嘉咸街,見有赤柱fee|的中環pizza 店,薯條YummY,看街窗口位我最愛.一個人試不到店的主打大size周打蜆口味,改自選三味,蜆.Pepperoni及crab meat,老實講雞翼薯條比薄餅好味.

意識形態

星期日聲窩老板播了國家版國際歌,還讓我第一次耳聞小明星(以前很紅)的歌聲.感激.十月一曰在家聽Billy Bragg,弄點革命氣氛,加上小資味音樂Janet Seide1,搞搞意識形態.

ET再臨

重睇,配樂超掂.好開心.話時話,個小妹妹好熟口熟面.oh..Drew Barrymore!

我看色戒

Q性愛場面需要嗎?
A需要,性愛是兩個寂寞又身不由己的人最貼身心的佔據角力,攻防之間虛張聲勢.他們的接吻像要把對方吞下肚,互相需索消耗.理性與慾望呈現張力.三場都非常刻意部署,身體位置和眼神傳遞著兩人之間的心理狀況.痛苦彷彿是最貼近他們能捉住最不設防的現實.世間一切其他真真假假只是鏡裡鏡外的分別.

Q最有印象的一幕
A王佳芝唱天涯歌女的一段
究竟是主是客是妓女是歌女?

Q為甚麼王佳芝最後作這樣的決定?
A父親沒有保護她,同學沒有保護她,國家沒有保護她,只有易先生願意,並且作出行動,尊重她的主體性.她因此有了價值,作了屬於自己的決定,她不再需要裝假,反正她一直用著真感情,這是她與其他人不同之處,所以她不害怕.

Q張愛玲嗎?
A電影中有李安,電影中也有張愛玲.在戰爭波濤面前,仍然打麻將.上館子.看電影.王佳芝在一無所有之時,依然堅持讀書.那是她能維持的一點點尊嚴.

Q會再看嗎?
A好看,但未至於百看不厭,故事其實很明白.有些細節見心思,男女主角選得準.可是留下來的空間不算多.看完後,惜不留痕跡.